گیشکور ءِ هنکین
دومی بهر
نبشتہ کار: زری نود
دی بلوچستان پوسٹ
شپ اَت گوات سارت سارت ءَ کشگ ءَ اَت ما جنزان اِت ایں پرشت ءُ پروشیں دگ ءَ ما کندان ءُ گپ جناں مئے همراه پُشت ءَ آیگ ءَ اِت اَنت ، بلے رزا ءِ هیال یکوئی گوں سنگتان اَت کہ پشت مہ کپ اَنت-
ما اتک ایں آپ کور ءِ گوزگ ءَ رند میتگے زاهر بوت منی جست ءَ پیسر رز ءَ گوشت گیشکور نوں بندات اِنت اے زیک اِنت چار پنچ میتگ ءَ رند گیشکور کیت بلے من سک شدیک اِت آں کپّاں نرونڈان اِت آں کہ شدیکاں بلے شئے ءَ یکوئی کند اِت یار تئی میدو نزاناں چے ءَ چوش کنت کمو ودار کن روئیں اوتاک ءَ نان رس ایت هاها ما جنزان جنزان ءَ داں سنگتانی اوتاگ ءَ سر بیت ایں سنگت درو در اتک آنت مئے وش اتکی ءَ ،اے سنگتاں مارا بُرت اوتاک ءَ نندارینت زر ءَ سنگتے ءِ نیمگا بچکندگے جت ءُ گوشت یار سنگت شدیک اِنت باریں ورگے چیزے بیت زوت کن اِت بیارت ئِے کار باز اِنت لھتے کار مرچی شپ کنگی اِنت کہ باندا بلکیں چونیں باندے بیت ، سنگتاں ورگ آؤرت اَنت ما ورگ وارت ءُ دگہ لھتے سنگت اتک ءُ ما درو یکجاه بوت انت ءُ هنکین ءِ گچینی کارانی درگت ءَ شئے ءَ سنگت لکچر دات اَنت ءُ سرپد کُت انت کہ هنکین چتو دارگی اِنت ءُ هنکین ءِ زرمبشت چے اِنت-
،لکچر ءَ رند سنگتاناں شئے ءَ موکل دات کہ برو اِت ءُ سهب ءَ گوں الاکهی سنگتانی یکجاهی ءَ وت ءَ سر کن اِت ، مات کریمہ گوں لھتے همراهاں پیداک اِنت مات پد ءَ گلگ مکنت کہ چک نہ سھڑینتگ اَنت سنگتاں پہ شانے گوشت الم زرا جان مارا تئی رهشونی ءِ سر ءَ پگر اِنت کہ تئی وڑیں همراهے مارا سکین دیگ ءَ اِنت اے مئے وشبهتی اِنت-
داں ما وپتیں کہ اے مئے سیمی شپ اَت بلے شپ ءِ ساهت سئے گوستگ ات من گُشت کہ شئے کمو آرام کن ایں سهب ءَ باریں چونیں وهدئے ءَ دزهورکی بہ بیت بلے شئے ءَ بچکند اِت ساه تو کمو وپس من ءَ مرچیگیں هال تاکے سنگتے ءَ داتگ من کمو چاران ئِے تو وپس، من همے کہ چم بند کت آں واب شت آں سهب ءَ مهلہ سماه کت داں شئے نشتگ بیرکے ءَ لٹے بندگ ءَ اِنت ءُ چاه ءِ دیم ءَ ایر اَنت درائینت ئِے پاد اتک ئے برو پسیل ءَ آپ هست جانے شود روئیں سپرے ءَ داں بانک ءِ زهی بیا انت داں واتر ایں –
روان اِنت —
دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔