امریکہ ءَ اسکول ءَ تیرگواری ءَ نودربرے ءَ ھوار دو مردم بیران، پنچ زدگ

پولیس واکدارانی رد ءَ امریکہ ءِ اُستان ورجینا ءَ یک ھائی اسکولے ءَ گریجویشنے ءِ دیوانے ءِ وھد ءَ تیرگواری ءَ دو مردم بیران ءُ پنچ زدگ بیتگ اَنت –

فرانسیسی ھال سروکنوکیں ادارہ اے ایف پی ءِ رد ءَ ڈیھ ءَ تیرگواری ءِ اے نوکتریں وئیلے –

پولیس ءِ سروک رِک ایڈورڈ ءَ اھوالکاراں گوں تران کنان ءَ گوشتگ سَے شمبے ءِ بیگاہ ءَ ریاست ورجینا ءِ شھر رچمنڈ ءَ اے وئیل بیگاہ ءِ ساھت پنچ ءَ پیش اتکگ بیتگ کہ اود ءُ یہ تھیٹر ءِ ڈن ءَ ھائی اسکول ءِ نودربرانی گریجویشن ءِ شاتکامی ءَ بیتگ اَنت-

ھژدہ سالیگین یک نودربر ءُ سی ءُ شش سالیگین یک مردمے بیران بیتگیناں ھوار اَنت- ءُ پنچ زدگ بیتگ اَنت کہ ایشانی توک ءَ یکے ءِ جاور ناگیگ گوشگ بوتگ اَنت-

رزبہ ایڈورڈ ءَ دیمتر ءَ گوشتگ کہ وئیل جاہ ءَ رش ءُ کَش بیتگ – آئی ءَ گوشتگ وئیل جاہ ءَ یک نوزدہ سالیگیں شکی ئین مردمے تتکگ بلے پد ءَ گرگ بیتگ –

وئیل جاہ ءَ بازیں توپک ھم دزکپتگ اَنت، دیمروئی کتگیں ڈیھانی توک ءَ سلاھانی سر ءَ بیران بیتگینانی کساس درستاں گیش امریکہ ءَ اِنت سال دوھزار ءُ بیست ءُ یک ءَ چل ءُ نُھ ھزار ءُ سال دوھزار ءُ بیست ءَ چل ءُ پنچ ھزار مردم توپکانی تیرانی نشانگ بیتگ اَنت-