صالح آباد: ایرانی چیریں ادارھاں سَے مردم آوار جتگ ءُ بیگواہ کتگ اَنت

گوستگیں دو روچ پیش ماں صالح آباد ءَ ایرانی چیریں ادارھاں سَے مردم آوار جنگ ءَ پد بیگواہ کتگ اَنت-

گیشیں ھالانی رد ءَ استان خراسان رضوی ءِ ھند صالح آباد ءَ سَے مردم آوار جنگ ءَ پد ناشناسیں جاھاں برتگ اَنت-

آوار جنگ بیتگیں مردمانی پجار گل مھمد دروگر ء رھمان، ھادی گورگیج ء عبدالرھمان ءُ مھمود پوریان گورگیج ء اھمد ءِ ناماں زانگ بیتگ اَنت-

اھولانی رد ءَ اے مردم ایرانی چیریں ادارھاں جتا جتائیں جاھاں آوار جتگ ءُ بیگواہ کتگ اَنت-

ھالانی رد ءَ گوشگ بیتگ کہ اے مردم آوار جنگ ءَ پد صالح آباد ءِ زندان ءَ برتگ اَنت ءُ پد ءَ دیم پہ مشھد ءَ برتگ اَنت ءُ پد آیانی بارو ءَ دگہ اھوال دیم ءَ نیتکگ اَنت-

ھالانی رد ءَ گوشگ بیتگ گل مھمد در صالح آباد، ھادی گورگیج کاریزک ءُ برجک ءَ آوار جتگ ءُ برتگ اَنت-