سر بیتگیں ھالانی رد ءَ روکپتی بلوچستان ءِ بنجاھی شھر زاھدان ءَ ایرانی چیریں ادارہ اطلاعات ءَ دو گوھاراں ھوار سَے مردم آوار جنی ءَ پد بیگواہ کرتگ اَنت-
سر بیتگیں اھوالانی رد ءَ وھید نامیں نامیں مردمے ءِ لوگ ءَ چیریں ادارھاں بیڑ برتگ ءُ اود ءَ دو گوھاراں ھوار آیانی یک نادراھیں براتے آوار جنگ ءَ پد گون وت برتگ اَنت-
آوار جنگ بیتگیں گوھارانی توک ءَ یکے ءِ پجار مریم ءِ نام ءَ زانگ بیتگ ءُ دومی ءِ نام دیم ءَ نیتکگ ءُ آیانی برات ءِ نام میرزا ءِ نام ءَ زانگ بیتگ-
ھالانی رد ءَ آوار جنگ ءَ پد ناشناسیں جاھاں برگ بیتگ اَنت پد ءَ آیانی درگت ءَ دگہ اھوال دیم ءَ نیتکگ اَنت ناکہ چیریں ادارھاں اے درگت ءَ دگہ گپ دیم ءَ آورتگ اَنت-
اے آوار جنیانی ھال آیانی پت ءَ راست کتگ ءُ گوشتگ کہ مروچی نیم روچ ءِ وھد ءَ مئے لوگ ءِ سر ءَ اطلاعات ءَ بیڑ برتگ ءُ منی دو جنکاں ھوار منی مازوریں زھگ گون وت برتگ –
زانگ بہ بیت روکپتی بلوچستان ءَ مردینانی بیگواھی ءِ ھواری ءَ زالبولانی بیگواھیانی ھال ھم یکشل ءَ دیم ءَ آیگ ءَ اَنت-