ایران ءِ اُستان اسپھان ءَ ایرانی آمیدگس ءِ ھکم ءَ روکپتی بلوچستان ءِ جھمنندے پاھو دیگ بیتگ-
پاھو دیگ بیتگیں مردم ءِ پجار مھمد اھمدی ءِ نام ءَ زانگ بیتگ کہ آئی ءِ اُمر چل ءُ پنچ سال اِنت رضا ءِ زھگ اِنت ءُ آئی ءَ سَے زھگ ھست آ روکپتی بلوچستان ءِ دمگ کھنوج ناسر آباد ءِ جھمنند اِنت –
اھوالانی رد ءَ مھمد اھمدی ایرانی سال نود ءُ نُھ ءَ ماں اسپھان ءَ نشہ باپاری ءِ بھتام ءَ دزگیر کنگ بیتگ ءُ چریشی ءَ پد انکلاب ایران ءِ آمیدگس ءَ پاھو ءِ ھکم داتگ –
زانگ بہ بیت مروچی اے ایران ءَ روکپتی بلوچستان ءَ بندوکیں دومی مردم اِنت کہ پاھو دیگ بیتگ بوھگ ءَ اِنت کہ ایشی ءِ ھواری ءَ پاھو دیگ بیتگیں مردمانی کساس بیست ءُ چار ءَ سر بیتگ اَنت-