بلوچستان ءِ دمگ چہ ھُزدار ءَ پاکستانی پوج ءَ دو مردم آوار جنگ ءَ پد ناشناسیں جاھے ءَ برتگ اَنت-
گیشیں ھالانی رِد ءَ گوستگیں شپ ءِ ساھت دوازدہ ءِ نزیک ءَ پاکستانی پوج ءَ ھُزدار ءِ دمگ ڈی پی سی کالج ءِ پُٹبال گراؤنڈ ءَ دو مردم آوار جنگ ءَ پد ءَ بیگواہ کتگ اَنت-
آوار جنگ بیتگیں ورناھانی پجّار شھزاد رئیسانی ءُ جلیل نام ءَ چہ بیتگ اَنت-
زانگ بہ بیت ھُزدار ءَ بیست ءُ چار کلاکانی تہ ءَ اے سیمی وئیل اِنت اشی ءَ ساری ھُزدار ءِ دمگ چہ سول کالونی ءَ پاکستانی پوج ءَ یک نودربرے آوار جنگ ءَ پد بیگواہ کتگ اَت- آئی ءِ پجّار ابرار جتک نام ءَ چہ بیتگ اَت-