خیربخش آجو دشمن ءِ گون ءَ جنگ ءَ شھید بیتگ – بی ایل ایف

بلوچستان لبریشن فرنٹ ءِ جارکش میجر گوھرام بلوچ ءَ رسانکدران شنگ کرتگیں درشان ءَ گوشتگ کہ بلوچستان ءِ دمگ بولان ڈھاڈر ءِ ھند نوشم ءَ سِی مارچ ءَ خیر بخش پنام ءِ اشفاق آجو گل ءِ سنگتانی ھمراھی ءَ گُشتے ءَ بیتگ اَنت کہ اچانگی پاکستانی پوج ءَ گوں دُچار کپتگ اَنت ءُ اے جنگ ءُ چوپ ءَ پاکستانی پوج ءِ بازیں کارندہ جَنگ بیتگ اَنت ءُ بازیں کساسے ءَ زدگ بیتگ اَنت-

بی ایل ایف ءَ گوشتگ کہ اے جنگ ءُ چوپ ءَ دیم پہ دیمی جنگ دیان ءَ بی ایل ایف ءِ سرمچار خیر بخش پنام ءِ اشفاق آجو ء محمد بخش شھید بیتگ ءُ آدگہ ھمراھانی درکنگ ءَ سوبمند بیتگ –

آئی ءَ گوشتگ کہ شھید خیر بخش ءَ سال دوھزار ءُ دَہ ءَ بی ایل ایف ےِ بھرمند بیتگ ءُ اکتوبر سال دوھزار ءُ پانزدہ سرجم ءَ بنجل ءَ وتی زمہ واریاں پیلو کنگ ءَ بندات بیتگ –

آئی ءَ گوشتگ شھید خیر بخش ءِ بنکی سیادی مستونگ دشت ءَ بیتگ ءُ آئی ءَ بلوچستان ءِ جتا جتائیں جاھاں جنگی رپکانی جوانتریں رپگ کتگ اَنت ءُ آ یک گچینی ءِ چیرجنگیں سرمچارے بیتگ-

جارکش ءَ گوشتگ کہ ایشی ءَ پیش آئی ءِ کستریں برات نصر اللہ کوہ ماران ءَ بیست ءُ نُھ مارچ دوھزار ءُ ھژدہ ءَ پوجی ءِ زوراکی ءِ وھد ءَ جنگ دیان ءَ شھید بیتگ-

آئی ءَ گوشتگ کہ بلوچستان لبریشن فرنٹ اے دیمونیانی سر ءَ پھر بند ایت ءُ اے دیمونیانی کشتگیں درچک ءِ بر ءَ بلوچ سرمچار آجو بلوچستان ءِ دروشم ءَ گند اَنت-