پٹھان ءِ دیم ءَ ٹائیگر اوشتات کنت، آیوکیں تامر ءَ شاہ رخ خان ءُ سلمان خان دیم پہ دیم

یش راج فلمز ءِ بینر ءِ چیر ءَ جوڑ کنگ بیتگیں یک تامرے ءِ تہ ءَ بالی وڈ ءِ دو نامی ئیں جاسوس ’ٹائیگر ‘ ءُ ’پٹھان ‘ یکیں وھد ءَ گندگ بنت-

امریکہ ءِ روتاک ورائٹی ءِ رد ءَ آیاں یش راج اسٹوڈیوز ءَ چہ راست کتگ کہ شاہ رخ خان ءُ سلمان خان’ پٹھان ءِ دیم ءَ ٹائیگر ‘ ھردو یکیں وھد ءَ آیگ ءَ اَنت تامر ءِ شوٹنگ جنوری 2024 ءَ بندات کنگ بیت اِنت-

یش راج فلمز ءِ نیمگ ءَ تچکی ءَ تامر ءِ جوڑ کنگ ءِ راستی نہ بیتگ –

شاہ رخ خان، دیپیکا پاڈوکون ءُ جان ابراھم ءِ تامر پٹھان ءَ ھندوستان ءَ داں ھمے سال ءَ داں انگت ءَ درستیں تامراں گیش 130 ملین ڈالر کمائی کتگ –

سلمان خان ءُ کترینہ کیف ءِ نامدارین تامر “ایک تھا ٹائیگر ” 2012 ءَ شنگ بیتگ ءُ ایشی ءِ دومی بھر “ٹائیگر زندہ ہے ” 2017 ءَ شنگ بیتگ ءُ باسکوپ “سنیما گھر ” ءَ سر نام بیتگ –

سلمان خان ءِ تامر “ٹائیگر3 “گوستگیں سال ءِ نومبر ءَ دیوالی دودمان ءَ شنگ بیتگ-

تامر ٹائیگر ءَ سلمان خان ءَ انڈین انٹیلیجنس ایجنسی را ءِ ایجنٹ اویناش سنگھ راٹھور ءِ کرد پیلو کتگ ات ءُ تامر ءَ کترینہ کیف ءَ پاکستانی چیریں ادارہ آئی ایس آئی ءِ ایجنٹ پیش دارگ بیتگ –

دومی نیمگ ءَ ھمے سال ءَ شنگ بیتگیں تامر پٹھان ءِ توک ءَ شاہ رخ خان درانڈیھی ھندوستانی ایجنٹ ءِ کرد پیلو کتگ ءُ ھمے وڑ دیپیکا پاڈوکون ءَ پاکستانی ایجنٹ روبینہ محسن ءِ کرد پیلو کنگ ءَ گندگ بیتگ –

پٹھان تامر ءَ سلمان ھم گندگ ءَ اتکگ کہ آ تامر ءِ گڈسر ءَ سلمان خان شاہ رخ خان ءَ گوش ایت کہ من ءَ وتی کار برجاہ دارگی اِنت پرچاکہ راج ءِ آیوکیں باندات زھگانی آسرو ءَ یل کنگ نہ بیت اِنت –