دُژمن ءِ چاریگ ءِ کوش ءُ ھال اھوالی ٹاور ءِ تباہ کنگ ءِ زمہ واری ءَ منّ ایں- بی ایل اے

بلوچ لبریشن آرمی ءِ جارکش جیئند بلوچ ءَ رسانکدر ءَ شنگ کتگیں درشان ءِ تہ ءَ گْوشتگ کہ بی ایل اے سرمچاراں دو جتائیں بیڑاں زورگریں پاکستانی پوج ءِ چاریگ ءِ کوش ءُ کلات ءَ یک ھال اھوالی ٹاور تباہ کتگ-

جیئند بلوچ ءَ گْوشتگ کہ بلوچ لبریشن آرمی ءِ سرمچاراں ھژدہ فروری 2023 ءَ کیچ ءِ دمگ کیلکور ءَ گشت وھد ءَ دو شکی ئیں مردم بھرام ءُ علی جان دزگیر کتگ اَنت ، پد ءَ جُست ءُ پرس ءِ وھد ءَ بھرام ءَ منّ اِتگ کہ آ بلوچ سرمچارانی دروشم ءَ بلوچ آجوئی لوٹوکیں گلانی تہ ءَ پُترگ ءِ جُھد کتگ-

جارکش رِد بھرام ء گل محمد جھمنند آبسر تربت ءَ منّ اِتگ کہ آ گوستگیں بازیں مدتے ءَ چہ زورگریں پاکستانی پوج ءِ ھاتر ءَ چاریگی ءِ دروشم ءَ کار ءَ بیتگ ، دُژمن پوج ءِ گْوشگ پد ءَ آ بلوچ آجوئی لوٹوکیں گلاں پُترگ ءُ چاریگی ءِ جُھد ءَ بیتگ-

آئی ءَ گْوشتگ کہ اے چاریگ ءَ منّ اِتگ کہ آ تربت ءُ کش گور ءِ دمگاں بلوچ سرمچارانی چاریگی کتگ، وھدے کہ چیزے وھد ءَ ساری ءَ آ چہ تربت ءَ دو بے میاریں بلوچ ورناھانی زورگریں پوج ءِ دست ءَ زورانسری بیگواہ کنگ ءَ ھمگرنچ بیتگ-

جیئند بلوچ ءَ گْوشتگ کہ جُست ءُ پرس ءُ منّانک ءِ جرم ءَ پد بلوچ راجی آمیدگس ءَ بھرام راجی گدار بوگ ءِ سر ءَ مرگ ءِ پرمان داتگ، چریشی ءِ سر ءَ گوستگیں روچ ءَ کیچ ءِ دمگ ڈنڈار ءَ تیرگوار اسکواڈ ءَ گامگیج زرتگ ءُ تیرگواری کتگ ءُ راجی گدار کشتگ- وھدے کہ گپتگ ءِ دومی مردم ءِ درگت ءَ راجی آمیدگس زوت شور ءَ گوش اِیت-

جیئند بلوچ ءَ دیمتر ءَ گْوشتگ کہ ھشت مارچ 2023 ءَ بلوچ لبریشن آرمی ءِ سرمچاراں کلات ءِ دمگ نیمرغ کنڈ ءَ برجاھیں یوفون شرکت ءِ ٹاور تراکناکیں شورواں گوں تباہ کتگ-

جارکش ءَ گْوشتگ کہ اے ٹاور زورگریں پوج ءِ نیمگ ءَ چہ شور پارود ءِ کش گوراں وتی مپادانی ھاتر ءَ پٹ کتگیں ھال اھوالی ٹاوراں چہ یکے بیتگ-

جارکش ءَ گْوشتگ کہ بلوچ لبریشن آرمی اے اُرشانی زمہ واری ءَ منّ اِیت – زورگریں پوج ءِ سرجمی ءَ دراھگ ءَ تاں مئے اُرش برجاہ بنت-