کرونا ویکسین جوڑ کنوکیں سائنس دان کُشگ بوتگ

کرونا وائروس ءِ رکّگ ءِ ھاتر ءَ روسی ویکسین اسپوٹنگ فائیو ءِ جوڑ کنوکیں سائنسدان کُشگ بوتگ بوتگ –

رسانکدری ھالانی رِد ءَ کرونا وائروس ءِ رکّگ ءِ ھاتر ءَ روسی ویکسیب اسپوٹنگ فائیو ءِ جوڑ کنگ ءِ کمک کنوکیں سائنسدان اینڈرے بوٹیکوو جون پنچ شمبے ءِ روچ ءَ وتی کوٹی ءِ تہ ءَ دست کپتگ –

رسانکدری ھالانی رِد ءَ اینڈرے ءِ گردن ءَ بیلٹ ءِ نشان ھم پر بوتگ ھمے ھاتر ءَ اے گوشگ بوگ ءَ انت کہ آئی ءِ گُٹ گرگ بوتگ ءُ کُشگ بوتگ –

چِل ءُ ھپت سالی ئیں اینڈرے روس ءِ ریسرچ سینٹر ءَ سینئر ریسرچر وڈو ڈول ءَ کار کنگ ءَ بوتگ ءُ آئی اسپوٹنگ فائیو ویکسین ءِ جوڑ کنگ ءَ بلاھیں کردے پیلو کتگ –

رسانکدری ھالانی رِد ءَ اینڈرے ءِ جون دست کپگ ءَ پد یک ناشناسیں مردمے ھم دزگیر کنگ بوتگ، پٹ ءُ پولی ایجنسی ءِ گوشگ انت کہ بیست ءُ نُھ سالی ئیں اے مردم ءَ اینڈرے گُٹ ءَ بیلٹ لوپ کتگ ءُ کشتگ بلے تنی وھدی اے درگت ءَ گیشیں پٹ ءُ پُول برجاہ انت –

رسانکدری ھالانی تہ ءَ گوشگ بوتگ اینڈرے کرونا ویکسین جوڑ کنوکیں ھژدہ سائنسدانی ٹولی ءِ باسک انت کہ آھاں گوں سوبمندی ءَ سال دوھزار بیست ءَ ویکسین جوڈ کتگ –

کرونا ویروس ءِ ویکسین ءِ جوڑ کنگ ءَ پد سال دوھزار بیست ءُ یک ءَ روس ءِ سروک پیوٹن ءَ آ داد ھم داتگ –