تربت ءُ ھزدار ءَ پولیس ءُ ایف سی ءِ سر ءَ اُرش

بلوچستان ءِ دو جتا جتائیں جاھاں سرکاری کارمندانی سر ءَ سلاہ بندیں مردماں اُرش کرتگ-

سر بیتگیں ھالانی رد ءَ بلوچستان ءِ دمگ کیچ ءِ بنجاھی شھر تربت ءَ بالی پٹ ءِ نزیک ءَ ایف سی ءِ چوکی ءِ سر ءَ سلاہ بندیں مردماں دزبمبے چگل داتگ ءُ پشت اشتگ ءُ شتگ اَنت-

ھالانی تہ ءَ گوشگ بیتگ کہ وئیل ءَ پد پوج ءَ دمگ انگیر کرتگ ءُ اُرشکارانی پٹ ءُ پول بندات کتگ-

ھمے وڑ ءَ ھزدار ءَ ایس پی ءِ سلاہ بنداں اُرش کرتگ –

ھالانی تہ ءَ گوشگ بیتگ ھزدار ءِ دمگ جھالاوان کمپلیکس ءَ ترندیں تراکے بیتگ ءُ پد ءَ تیرگواری بندات بیتگ-

ھالانی تہ ءَ گوشگ بیتگ کہ تراک ءَ سپرٹنڈنٹ آف پولیس اسکواڈ نشانگ کنگ بیتگ ءُ چریشی ءَ یک کارندے مرتگ ءُ یکے زدگ بیتگ ءُ تراک ءَ پد ایف سی ءُ پولیس وئیل جاہ ءَ سر بیتگ اَنت-

زدگ بیتگیں کارندہ ءُ بیران بیتگیں کارندہ نادراہ جاہ ءَ برگ بیتگ اَنت-

ھمے وڑ ءَ سوراب ءِ بنجاھی بازار ءَ زھری بیکری ءِ دیم ءَ سلاہ بندیں مردمانی تیرگواری ءَ ڈی ایس پی سوراب ءِ ڈرائیور عبدالعزیز زدگ بیتگ-