بلوچستان : جتاجتائیں وئیلانی آسر ءَ چار مردم بیران ءُ چار ٹپی بیتگ اَنت

بلوچستان ءِ جتاجتائیں دمگ مستونگ، پنجگور ءُ دکی ءَ دگ ءُ تیرگواری ءِ وئیل آسر ءَ چار مردم بیران ءُ چار ٹپی بیتگ اَنت-

گیشیں ھالانی رِد ءَ دکی ءَ ھال اِنت بیگواہ بیتگیں ساز الدین بابر ءِ لاش پولیس ءُ دزگپتگ ءُ نادُراھجاہ ءَ برتگ- پولیس گْوشگ اِنت کہ اے مرد ءَ سے تیر جتگ ءُ کُشتگ-

پولیس ءَ لاش چہ کلی کاروٹی ءَ دزگپتگ ءُ نادُراھجاہ ءَ برتگ-

دومی نیمگ ءَ مستونگ ءِ دمگ دشت ءَ ھال اِنت کہ ناشناسیں سلاہ بندیں مردماں تیرگواری کتگ حاجی میاں خان پرکانی ء حاجی عضمت خان نامیں کماشے بیران بیتگ-

وئیل درگت ءَ اِھوالکارانی گْوشگ اِنت کہ وئیل کوھنیں دُژمنی یے بیتگ-

ھمے وڑ پنجگور سبزاب ءِ دمگ واشک ناگ ءِ نزیک ءَ دو گاڑیانی میان ءَ ڈک ورگ ءَ چہ چار مردم ٹپی بیتگ اَنت کہ آ ٹیچنگ پنجگور نادُراھجاہ ءَ برتگ اَنت-

ٹپیانی پجّار راشد ء مٹھا خان ، انس ء حاجی ابراھیم محمد، انور ء ابراھیم جھمنند ھزدار ءُ فقیر ء عبدالواحد جھمنند وشاب پنجگور-

دگہ یک وئیلے پنجگور ءِ دمگ گوارگو سنگے کلات ءَ بوتگ-

لیویز رِد ءَ وئیل سبب چہ ایرانی تیل کشیں زمیاد گاڑی ءَ آس لگ اِتگ ءُ چریشی ءِ آسر دو مردم بیران بیتگ-

لاش لیویز ءَ وتی دست ءَ کتگ ٹیچنگ نادُرھجاہ ءَ برتگ ءُ بیران بیتگیں مردمانی پجار نہ بیتگ اَنت-