ھمے ماہ ءَ بلوچستان ءِ بنجاھی شھر شال ءَ بلوچ زالبول ماھل بلوچ ءِ زورانسری آوار جنی ءُ پد ءَ جتا جتائیں ارزی نامگانی سر ءَ دزگیری ءِ پدر کنگ ءَ ابید ھم دیم ءَ آرگ نہ بیتگ-
چہ شال ءَ دزگیری ءَ پد زورانسری ءِ آوار جنی ءِ آماچیں بلوچ زالبول ماھل بلوچ ءِ سلامتی ءِ یل کنگ ءَ شال ءَ بولان میڈیکل کالج ءَ یک روانکے کشگ بیتگ –
روانک ءَ بیگواہ بیتگیں ماھل بلوچ ءِ کھول، نودربر گل ءُ سیاسی پاٹیاں ھوار ھوار شھریاں بازیں کچے ءَ بھر زرتگ –
زھرشانی کنوکاں گوشتگ کہ ماھل بلوچ ءَ سرجمی ءَ دیم ءَ بیار ات ءُ بلوچستان ءَ بلوچ زالبولانی پھریزگ ءِ ھواری ءَ بیگواھیں مردماں دیم ءَ بیار ات-
روانک ءَ پد زھرشانی کنوکاں شال ءَ وزیر علیٰ سیکٹریٹ ءَ برجاھیں نندانک ءَ ھوار بیتگ اَنت – نندانک ءِ مردمانی گوشگ اِنت کہ سی ٹی ڈی ءِ دست ءَ بلوچ زھگ ماھل ءِ یل کنگ ءُ دگہ کُشگ بیتگیں مردمانی پجار ءَ داں نندانک برجاہ بیت اِنت-
ھمے وھد ءَ جتا جتائیں گلانی رھشون ءُ بیگواھیں مردمانی کھولاں تران کنان ءَ گوشتگ کہ ماھل بلوچ ءِ سر ءَ دروگیں بھتام ءِ جنگ ءُ آئی ءَ ھچ آمیدگس ءَ پیش نہ کنگ ایشی ءِ درستیں منانکاں دنت کہ سی ٹی ڈی ءِ ھمک روچی ئیں گپ دروگ اَنت-
تران کنوکاں گوشتگ کہ ماھل بلوچ ءِ سر ءَ دروگیں بھتامانی ھلاس کنگ ءُ آئی ءَ سرجم ءَ یل کنگ ءَ اگاں ریاست دروگ ءُ تاکت ءَ ھلاس کنگ لوٹ ایت ما وتی زھرشانی ءَ پھریز سرپد بہ این ءُ ایشی ءَ گیش کن اِنت-
زانگ بہ بیت کاؤنٹر ٹیررزام ڈپارٹمنٹ ءِ نیمگ ءَ ماھل بلوچ ءِ دزگیری ءِ ھال راست کتگ ءُ اُستانی وزیر داکلہ ضیاء لانگو ءِ ٹاھاں ابید ھم آ آمیدگس ءَ پیش کنگ نہ بیتگ وئیل ءِ ھلاپ ءَ بلوچ گل ءُ شھریانی زھرشانیانی درچ برجاہ اَنت کہ زالبول ءِ دیم ءَ آرگ ءِ لوٹ ءَ کنگ ءَ اَنت-
زانگ بہ بیت ھمے ماہ ء ھپت ءُ ھژدہ فروری ءِ شپ ءِ ساھت یازدہ ءِ نزیک ءَ بلوچستان ءِ بنجاھی شھر شال ءَ پاکستانی پوج ءَ ماھل گون زھگاں ھوار آوار جتگ ات ءُ پد ءَ بیگواہ کرتگ اَت پد ءَ سی ٹی ڈی ءَ ماھل ءِ سرکار ءَ اُرشکاری ءِ شوربندی ءِ بھتام ءَ دزگیری راست کتگ ات-
پد ءَ وئیل ءَ پد اُستانی وزیر داکلہ ضیاء لانگو ءَ پریس کانفرنس کنان ءَ دزگیر بیتگیں ماھل ءِ آمیدگس ءَ پیش کنگ ءَ گوشتگ ات ءُ آئی ءَ را وتی سپائی کنگ ءِ موہ دیگ ءِ گپ ءَ ابید ھم مروچی ھپت روچ گوستگ بلے ماھل نا یل بیتگ ءُ نانکہ آ آمیدگساں پیش کنگ بیتگ-