زاھدان: انساپ ءِ ھاتر ءَ آدینگ ءِ نماز ءَ پد زھرشانی

الم بوانیت

روکپتی بلوچستان ءِ بنجاھی شھر زاھدان ءَ مروچی آدینگ ءِ نماز ءَ پد “ھونین زاھدان ” ءِ انساپ ءَ مھلوک ءَ زھرشانی ءُ روانک ءُ اوگام جتگ-

روانک زاھدان ءِ مکی مسیت ءَ بندات بیتگ ءُ شھر ءِ دمک دمک ءَ تران ءَ اوگام جنان بیتگ اَنت اوگام جنوکاں “ایرانی سرکار مرگ بر، مرگ بر دیکیتاتور ” بزانکہ زوراکیں ایرانی لشکر مردگ بات ءِ اوگام جتگ –

زھرشانی ءَ مردین ءُ زھگ ھوار بیتگ اَنت ءُ آیانی دستاں بینر ءُ پلے کارڈ بیتگ اَنت کہ آیانی سر ءَ جتا جتائیں لبز نبشتگ بیتگ اَنت –

زھرشانی زاھدان ءَُ ھاش ءَ بیتگ اَنت کہ اود ءَ مھلوک ءَ بازیں کچے ءَ مردماں بھر زرتگ –

زھرشانی کنوکاں بندیگیں مردمانی یل کنگ ءُ ایشانی ھواری بندیگیں مولانا عبدالغفار نقشبندی ءُ مولانا فضل الرحمان کوھی ءِ لوٹ اش کتگ ءُ سی ستمبر ءَ کُشگ بیتگیں مردمانی انساپ ھاتر ءَ لوٹ اش کتگ –

ھمے وڑ ءَ زاھدان ءِ مکی میست ءِ پیش امام مولانا عبدالحمید اسماعیل زئی ءَ گوشتگ کہ سرکاری واکدار اگاں مھلوک ءَ انساپ دات نہ کن اَنت گڑا باید آ مھلوک ءِ توارانی کُشگ ءَ وتی لانک ءَ مہ بند اَنت-

مولانا عبدالحمید بلوچ ءَ گوشتگ کہ ما ودار کنگ ءَ ایں زاھدان ءِ ھونریچیں مردماں داں مرگ ءِ سزا دے اَنت اے ودار مئے سرجمی ءَ بہ بیت ءُ آفیسر ءَ کوشکار پاھو دیگ بہ بنت کہ آیاں بے گناھیں مردمانی ھونریچی کتگ اَنت-

دومی نیمگ ءَ زاھدان ءَ ھوار بازیں جاھاں زھرشانی کنوکانی گر ءُ دار ءِ ھاتر ءَ راہ ءُ در بند کنگ ءُ دگانی سر ءَ لشکری گیش کنگ بیتگ اَنت-

نوکتریں