بلوچستان دمگ مستونگ ءَ ناشناسیں سلاہ بندیں مردمانی اُرش ءَ چہ دو لیویز کارمند مُرتگ انت، سلاہ بنداں لیویز کارمندھانی سلاہ اوں دستیگ کُتگ انت۔
بنشون ءِ در ءَ ببری مستونگ ءِ نزدیک ءَ یک لیویز ءِ پانگس سر ءَ ناشناسیں سلاہ بنداں اُرش کُتگ، لیویز پانگس شال تَپتان ءِ بنجاھی شھدگ ءِ سر ءَ اِنت-
اُرش چہ دوئیں لیویزے کارمندھانی منظور احمد ءُ محمد اسلم مُرتگاں سلاہ بنداں کارمندھانی سلاہ اوں دستیگ کُتگ انت۔
اسسٹنٹ کمشنر برکت بلوچ وتی یک درشانے ءَ گشتگ کہ مُرتگیں لیویز کارمندھانی جُون نادرھجاہ دیم دیگ بیتگ انت۔ پوج ءَ وئیل ءَ چہ پد دگ بند کُتگ ءُ اُرشکارانی شوھاز بندات کتگ۔