پاکستان ءَ جھازانی گیس کمی ءِ سبب ءَ بازیں جھاز گراؤنڈ ءَ کنگ بیتگ اَنت

پاکستان ءَ جھازانی گیس ءِ کمی ءِ سبب ءَ ڈنی کمپنیاں تہ ءَ ھلوکیں چارٹرڈ سروس ءِ تک ءَ گیس ءِ نہ بوگ ءِ سبب ءَ بند بیتگ اَنت-

ایئر کرافٹ اونرز اینڈ آپریٹرز ایسوسی ایشن ءِ گوشگ اِنت دسمبر ءَ کراچی ءِ بندرگارہ ءَ سر بیوکیں ایوایشن گیس داں انگت ءَ سرجم نہ بیتگ گیس ءِ نہ بوگ ءِ سبب ءَ جھاز گراؤنڈ ءِ تہ ءَ کنگ بیتگ اَنت-

ھمے رنگ ءَ ڈنی جھازانی تیل ءِ نہ بوگ ءِ سبب ءَ ایئر ایمبولینس سروس ءَ ھوار لھتے دگہ آپریشنز ھم دارگ بیتگ اَنت-

ایئرکرافت اورنرز اینڈ آپریٹرز ایسوسی ایشن ءِ سروک عمران اسلم خان ءَ اردو نیوز ءَ گون گپ کنان ءَ گوشتگ کہ سال دوھزار ءُ بیست ءُ دو ءِ گڈی ماہ ءَ کراچی ءِ بندرگاہ ءَ سر بیوکیں ایو ایشن گیس ءِ سرجم کنگ ءَ ابید ھم ای سی پچ کنگ نہ بیتگ چریشی ءِ سبب ءَ بازیں جیڑھانی دیمپانی اِنت-

آئی ءِ گوشگ ات کہ اسٹیٹ بینک ءِ نیمگ ءَ ایل سی ءِ دیر دارگ ءِ سبب ءَ آپریشنز ءِ دارگ مشکل اِنت-

زانگ بہ بیت پاکستان ءَ دو سد ءَ گیش پرائیویٹ جھاز کارمرد کنگ بوگ ءَ اَنت چوشکہ ڈیھ ءُ ڈنی بالپگانی آپریشن ءَ ھلائینگ ءَ اَنت-

عمران اسلم خان ءِ گوشگ ات کہ ھستیں وھد ءَ یک سد ءُ پنجاہ ءَ گیش جھاز گیس ءِ نہ بوگ ءِ سبب ءَ گراؤنڈ ءَ کنگ بیتگ اَنت-

کسانیں جھازانی گراؤنڈ ءِ بوگ ءِ سبب ءَ فلائنگ سکولز آسرمند بوگ ءَ اَنت ھمود ءَ اے تکاں بندوکیں مردمان جیڑگانی دیمپانی کنگ کپگ اِنت ءُ پرائیویٹ کمپنیزانی کارمندانی پگار دیگ ءِ مشکل پیش بوگ ءَ اِنت ءُ دگہ ھرچ ءُ درچانی سرجم کنگ ھم مشکلانی دیمپانی اِنت-

آئی ءِ گوشگ ات کہ آیوکیں وھداں اے وڑ بوت گڑا بازیں پرائیویٹ کمپنیاں پاکستان ءَ کار کنگ باز مشکل بیت اِنت-