رودراتکی بلوچستان ءِ جھمنند ایرانی لشکریانی تیرگواری ءَ بیران بیتگ۔
دی بلوچستان پوسٹ اھوال پتر ءَ سر بیتگیں اھوالانی ردءَ ایرانی لشکریاں تیل ءِ باپاری کنوکیں کسانیں گاڑیانی سرءَ تیرگواری کُتگ، چریشی آسر ءَ بلیدہ گلی ءِ جھمنند عبید شیر بیران بیتگ۔
زانگ بہ بیت کہ بلوچستان ءِ تہءَ روزگار نہ بیگ ءِ سوب ءَ گیشتریں ورناہ ایرانی تیل ءُ دگہ وردنی شئے آنی باپار ءَ گوں بندوک اَنت بلے آیاں مدامی ایرانی ءُ پاکستانی لشکریانی نیمگ ءَ ھترناکیں اُرشانی دیمپانی کنگ کپ اِیت۔
یات بہ بیت گوستگیں سال ءَ بلوچستان ءِ دمگ چاغی ءُ زاھدان ءَ ھمے پئیمیں وئیل دیما اتکگ اَت اَنت کہ اِشانی تہءَ بازیں ڈرائیور چہ وتی زندءَ زبھر بوتگ اَت اَنت۔