سبی ءَ یک مردمے ءِ لاش دزکپتگ

بلوچستان ءَ جتاجتائیں دمگاں یک ھپتگے ءِ تہ ءَ اے پنچمی لاش اِنت دزکپگ ءَ اِنت-

بلوچستان ءِ دمگ سبی ءَ بھاٹک ریل لائن ءَ چہ یک مردمے ءِ لاش دزکپتگ- دزکپتگیں مردم ءِ لاش پجّار طفیل ء علی بخش جھمنند اوستہ محمد نام ءَ چہ بیتگ-

لاش سول نادُراھجاہ برتگ بلے وئیل سوب انگت زانگ نہ بیت-

زانگ بہ بیت چیزے روچانی تہ ءَ سرجمیں بلوچستان ءَ چار لاش دزکپتگ- گوستگیں روچاں بلوچستان ءِ باپاری شھر ھب چوکی ءَ کور ءَ چہ کماشے ءِ لاش دزکپتگ اَت – پنجاہ سے سالی ئیں محمد بخش ء محمد رمضان نام ءَ چہ بیتگ اَت دومی نیمگ ءَ بسیمہ کلغلی ءَ چہ محمد ادریس ء محمد ابراھیم جھمند کھٹان لطیف آباد ھُزدار نام ءَ چہ بیتگ اَنت –

اشی ءَ اَبید گوستگیں روچاں بلوچستان ءِ دمگ کلات منگچر ءَ انتزامیہ ءَ یک ورنایے لاش دزکپتگ اَت وھدے کہ اشی ءَ یکروچے ساری عبدالوحید لوٹانی لاش دزکپتگ اَت-

چہ کلات ءَ دزکپتگیں لاش پجّار سعد اللہ ءِ خان محمد لانگو نام ءَ چہ بیتگ آ تیرگواری کتگ کشتگ-

ھمے وڑ شال ءِ دمگ گوریچانی بائی پاس ءَ یک ورنایے لاش دزکپتگ اَت ءُ آئی ءِ نام ءِ سارنگ مری ء سلطان مری نام ءَ چہ بیتگ اَت-