ایمنی ءِ واستا ترس، گوریچانی کوریا ءَ دگہ سَے بیلسٹک میزائلانی چکاس کتگ

زرباری کوریا ءَ بھتام جنان ءَ گوشتگ کہ گوریچانی کوریا ءَ مروچی شمبے ءِ روچ ءَ سَے جتا جتائیں جاھاں بیلسٹک میزائل آس داتگ اَنت-

فرانسیسی ھال سرکنوکیں ایجنسی اے ایف پی ءِ رد ءَ گوریچانی کوریا ءِ نیمگ ءَ ھمک ماہ ءَ میزائلانی دیم ءَ آیگ ءَ داں انگت ءَ درستاں نوکتریں بین البراعظمی بیلسٹک میزائل ھوار اِنت چکاس ءَ کوہ دابیں کوریا ءَ پوجی چمسھریانی توک ءَ گیشی گندگ اتکگ-

زرباری کوریا ءِ پوج ءِ گوشگ اِنت کہ گوریچانی کوریا ءِ نیمگ ءَ رودراتکی زر ءَ آس دیگ بیتگیں کم دوری ءَ جنوکیں بیلسٹک میزائلانی بارو ءَ سرپدی بیتگ کہ گوریچانی ھوانگھے اُستان ءَ چنگوا کاؤنٹی ءِ ھند ءَ سھب ءِ ساھت ھشت ءَ آس دیگ بیتگ اَنت-

زرباری کوریا ءِ جوائنٹ چیف آف اسٹاف ءَ گوشتگ میان اُستمانی سلامتی کونسل ءِ رھبندانی لگتمالی اِنت –

آئی ءِ گوشگ اَت کہ گوریچانی کوریا ءِ نیمگ ءَ بیلسٹک میزائلانی چکاس یل سنگینے دروشمے کہ جزیرہ نما کوریا ءِ ھواری ءَ میان اُستمانی امن ءُ ایمنی ءِ واستا تاوان اِنت –

یو ایس انڈو پیسیفک کمانڈ ءَ گوشتگ کہ نوکتریں چکاساں امریکہ ءِ کارندہ یا دمگ یا واشنگٹن ءِ ھمسنتانی واستا ترس نہ اِنف بلے آئی ءَ گوریچانی کوریا ءَ سلاھانی پروگرام ءِ واستا گیر زمہ داریں اسرانی شونداتی اِنت-

دوشمبے ءِ روچ ءَ گوریچانی کوریا ءِ پنچ ڈرون زرباری کوریا ءَ شتگ بیتگ اَنت –

گوریچانی کوریا ءُ امریکہ ءِ ھمسنت زرباری کوریا ءِ میان ءَ سیادی ءِ جاور ناگیگ بیتگ اَنت زانگ بہ بیت زرباری کوریا ءِ سروک یون سک یول ءَ کدامت دوستیں سرکار مئی ءِ ماہ ءَ واک وتی دست ءَ کتگ ءُ آئی ءَ گوریچانی کوریا ءِ سر ءَ ترند درشانی لیکہ داشتگ-

یونھاپ ھال سرکنوکیں ایجنسی ءِ رد ءَ گوریچانی کوریا ءَ ھمے سال کساس ھپتاد بیلسٹل میزائل آس داتگ کہ اشانی توک ءَ کساس ھشت بین البراعظمی بیلسٹل میزائل بیتگ اَنت-