ایرانی پولیس ءِ سر ءَ سلاہ بندانی اُرش ءَ کم چہ کم سَے کارندہ زدگ بیتگ اَنت

جکیگور ءَ یک اُرشے ءَ ایرانی پولیس ءِ سَے کارندہ زدگ کنگ بیتگ اَنت-

سر بیتگیں ھالانی رد ءَ راسک ءِ ھند جکیگور ءَ ناشناسیں سلاہ بندیں مردماں ایرانی پولیس ءِ سر ءَ ناگتی اُرش کرتگ ءُ چریشی ءَ پولیس ءِ سَے کارندہ زدگ بیتگ اَنت-

ھال ءِ سر ءَ راست کنان ءَ راسک پولیس آپیسر مھمد رضا خارکوھی ءَ گوشتگ کہ پولیس راسک ءَ گشت ءَ بیتگ کہ اود ءَ سلاہ بندیں مردماں ناگتی تیرگواری کنگ بندات کتگ ءُ چریشی ءَ سَے کارندہ زدگ بیتگ اَنت-

زدگ بیتگیں پولیس کارندہ راسک ءِ نادراہ جاہ ءَ برگ بیتگ اَنت ءُ اود ءَ ایانی نام تنی وھدی دیم ءَ نیتکگ اَنت-

زانگ بہ بیت گوستگیں روچ ءَ سراوان ءِ سیمسر ءَ ھم سلاہ بندیں مردماں ایرانی لشکر ءِ سر ءَ اُرش کرتگ ات ءُ چریشی ءَ چہ اود ءَ چار کارندہ مرتگ ات اَنت-

اے وئیلانی زمہ واری تنی وھدی کس ءَ پہ وت ءَ نہ زرتگ اَنت بلے روکپتی بلوچستان ءَ یک بنا بیتگیں شورشے ءِ پُشت ءَ بازیں چیزانی ھاتر ءَ پسھی چیز پش کپ اَنت-