روکپتی بلوچستان ءَ بیوکیں آوار جنیانی درچ یکشل ءَ برجاہ اَنت گوستگیں سَے روچانی تہ ءَ تنی وھدی ھپت مردم آوار جنگ ءُ بیگواہ کنگ بیتگ اَنت-
سر بیتگیں ھالانی رد ءَ روکپتی بلوچستان ءِ دمگ نیکشھر ءَ ایرانی لشکر ءَ شھدربرجاہ ءِ پروفیسرے آوار جنگ ءَ پد بیگواہ کرتگ-
آوار جنگ بیتگیں پروفیسر ءِ پجار عبدالعزیز اربابی ءِ نام ءَ زانگ بیتگ-
ھالانی تہ ءَ گوشگ بیتگ کہ آ پروفیسرے ءَ ھوار ھوار نیکشھر ءَ امام جمعہ ءِ مسیت ءِ پیشو اِنت-
ھالانی تہ ءَ گوشگ بیتگ کہ مولوی عبدالعزیز آوار جنگ ءَ پد بیگواہ کنگ بیتگ ءُ چریشی ءَ پد آئی ءِ درگت ءَ دگہ ھال نہ بیتگ اَنت ءُ نانکہ ایرانی چیریں ادارھاں آئی ءِ درگت ءُ گرگ ءِ سبب پدر کرتگ اَنت-