دو ماہ ءَ ساری پاکستان پوج ءِ دست ءَ بیگواہ کنگ بیتگیں مردم پوج ءَ پولیس ءِ دست ءَ داتگ-
سربوتگیں ھالانی رِد ءَ مستونگ ءِ دمگ چہ کڈھ کوچہ دو ماہ ءَ ساری زورانسری بیگواہ کنگ بیتگیں راؤگ شاھوانی دیم ءَ آرگ بیتگ- اے ورناہ دو ماہ ءَ ساری پاکستانی پوج ءَ چہ مستونگ ءَ آوار جتگ ءُ ناشناسیں جاھے ءَ برتگ کہ آ گوستگیں روچ ءَ پوج ءَ سٹی پولیس تھانہ مستونگ ءَ داتگ-
زانگ بہ بیت کہ بلوچستان ءِ جتائیں وھداں انچیں وئیل دیم ءَ اَتکگ اَنت کہ اود ءَ پوج ءَ پیسر ءَ چہ بیگواہ کنگ بیتگیں مردم دروگیں میڑ ءَ کُشتگ اَنت کہ جتائیں بھتامانی سر ءَ کیسز جتگ ءُ پولیس دست ءَ داتگ اَنت-