اسرائیل ءَ گچینکاری، بنداتی ءَ نتن یاھو ءَ سوبمندی ءِ گمان بوگ ءَ اِنت

اسرائیل ءَ سَے شمبے ءَ بوکیں گچینکاری ءِ بنداتی ءَ گوستگیں سروزیر بنیامین نتن یاھو ءِ پاٹی ءَ دگہ پاٹیانی دیم ءَ گیشتر سوبمندی ءِ گمان ھست –

ھبر رساں رد ءَ اے ایف پی ءِ رد ءَ سرکاری کچ ءُ کساساں گیشتر سرپدی آیگ ءَ بنت بلے داں انگت ءَ گوستگیں سروزیر ءِ پاٹی دیم ءَ اِنت-

راجداری ءِ اوست ءِ پروشگ ءَ اسرائیل ءَ اے چار سالانی توک ءَ پنچمی بر اِنت کہ گچینکاری بوگ ءَ اِنت-

گوستگیں سروزیر بنیا مین نتن یاھو ءِ دست ءِ راست کلانیں راجداراں چہ یکے –

اسرائیل ءِ سے جت جتائیں رسانکدرانی رد ءَ نتن یاھو ءِ پاڑی لیکوڈ ءَ درستاں گیش اِنت ءُ گمان کنگ بوگ ءَ اِنت 30 سیٹ کٹ ایت –

اسرائیل ءِ پتر ءِ سرجمیں سیٹ یک سد ءُ بیست اَنت نتن یاھو ءِ ھمسنتیں پاٹیاں ھوار ھوار گمان کنگ بوگ ءَ اِنت شست ءُ دو سیٹ کٹ اَنت-

گوستگیں گچینکاریاں گڈسری ءَ سرکاری پندل کرتگیں پاٹیانی ھساب ءَ گپتگ ات ءُ سرکار جوڑ بوتگ ات-

نگران وزیر اعظم یائر لاپڈ ءِ پاٹی ءِ رد ءَ بیست ءُ سَے سیٹانی ھواری ءَ دومی نمبر ءَ اِنت-

بنداتی گچینکاری ءَ نتن یاھو ءِ بگیر داریں پاٹی پتر ءَ پروش دیگ ءَ بے سوب بیتگ اَنت-

نتن یاھو دوازدہ سالاں داں اسرائیل ءِ سر وزیر بیتگ آئی ءِ واک گوستگیں سال ءِ جون ءِ ماہ ءَ ھشت ھمسنتی پاٹی ءَ پروش یک ووٹے ءِ سر ءَ داتگ ات ءُ نفتالی بینیٹ سروزیر بوتگ ات-