بلوچستان: تیرگواری ءُ دگ وئیلاں دو مردم بیران ءُ بیست ٹپی بیتگ اَنت

بلوچستان ءِ جتائیں دمگاں تیرگواری ءُ دگءِ وئیلانی تہءَ دو مردم بیران ءُ بیست ٹپی بیتگ اَنت –

گیشیں ھالانی رِد ءَ نوشکی گزنلی ءَ زمینی جیڑہ ءِ سر ءَ دو ٹولیانی میان ءَ میڑ ءَ تُرندیں تیرگواری ءِ آسر ءَ یک مردمے بیران ءُ دو ٹپی بیتگ اَنت-

ھمے وڑ نوکنڈی ءَ کلی زور آباد ءَ ناشناسیں مردمانی تیرگواری ءَ چہ حاجی سھراب خان نامیں مردمے بیران بیتگ- پولیس ءُ انتزامیہ ءَ لاش نادُراھجاہ ءَ برتگ پہ گیشیں چار ءُ ٹپاس ءَ پد لاش کھول ءَ داتگ، وئیل درگت ءَ انتزامیہ پٹ ءُ پول کنگ ءَ اِنت-

دومی نیمگ ءَ دمگ لسبیلہ ءَ دگ ءِ دو جتائیں وئیلاں نُھ مردم ٹپی بیتگ اَنت –

لسبیلہ ءِ ھنکین کنراج ءِ دمگ گجرو پھٹ ءِ ھند سر ءَ مساپر بس چپ بیتگ چریشی ءِ آسر ءَ ھپت مردم ٹپی بیتگ اَنت کہ آ دھدر پروجیکٹ کنراج ءُ وندر ڈیم گاڑیاں رورل ھیلتھ سینٹر وندر ءَ برتگ اَنت دو سک ٹپی کراچی ءَ برتگ اَنت-

دگہ یک وئیلے وندرءِ نزیک ءَ ناکہ کھارڑی ءِ ھندءَ دیما کہ پرپٹ ءَ دو مردم کپتگ ءُ ٹپی بیتگ اَنت پہ دوا درمان کنگ ھاتر ءَ نادُراھجاہ ءَ برتگ اَنت –