تربت یونیورسٹی ءَ روگ ءَ دو نودربر زورانسری آوار جنگ بیتگ اَنت

تربت یونیورسٹی ءِ دو نودربر زورانسری آوار جتگ اَنت دگہ چار مردم چی ضلع کیچ ءَ پاکستانی پوج آوار جتگ ءُ بیگواہ کتگ اَنت-

ٹی بی پی ھال پتر ءَ رس اتگیں ھالانی رِد ءَ گوستگیں روچ ءَ پاکستانی پوج ءَ ضلع کیچ ءِ دمگ چہ تربت ءَ یونیورسٹی ءِ دو نودربر آوار جتگ ءُ ناشناسیں جاھے ءَ برتگ اَنت وھدے کہ آ پرپٹ سر ءَ یونیورسٹی ءَ روگ ءَ بیتگ اَنت-

زورانسری آوار جنگ بیتگیں نودربرانی پجّار ستار ء رحیم بخش ءُ حیات ء اسلم جھمنند آبسر تربت ناماں چہ بیتگ اَنت-

ھمے وڑ مرچی چہ ضلع کیچ ءَ چار مردم قمبر ء امید، عزیر ء مولا بخش، اسد ء موسیٰ ءُ انس ء ملابرکت پاکستانی پوج ءَ آوار جتگ ءُ ناشناسیں جاھے ءَ برتگ اَنت-

اے مردمانی درگت ءَ انگت ھچ وڑیں سرپدی نہ رس اِتگ وھدے کہ دمگی واکداراں ھم ھچ وڑیں درشان شنگ نہ کتگ-