بلوچستان ءِ دمگ کیچ ءَ ناشناسیں سلاہ بندیں مردماں پاکستانی لشکریانی بُنجل ءِ سرءَ اُرش کُتگ۔
اُرش گوستگیں روچ ءَ بیگاہ ءِ وھد ءَ زامران ءِ ھند پوگنزدان ءَ بیتگ، کہ آودہ سلاہ بندیں مردماں لشکری بُنجل ءِ سرءَ اُرش کُتگ ءُ پدءَ درآیگ ءَسوبمند بیتگ اَنت۔
اھوالانی ردءَ اُرش ءِ تہءَ لشکریاں تاوان رستگ وھدیکہ داں انگت واکدارانی نیمگ ءَ اے درگت ءَ ھچ پئیمیں درشان دیما نئیتکگ۔
یات بہ بیت کے ھمے ھندانی تہءَ بلوچ آجوئی لوٹوکیں سلاہ بندیں گل مدام لشکریانی سرءَ بیتگیں اُرشانی زمہ واری ءَ زیر اَنت بلے اے اُرش ءِ زمہواری انگت ھچ گل ءَ نہ زرتگ۔