ھرنائی ءَ یک مردمے ءِ جون دست کپتگ

سربوتگیں ھالانی رِد ءَ مروچی پنچ شمبے ءِ روچ ءَ بلوچستان ءِ دمگ ھرنائی شارگ ءَ زردآلو ءِ ھند ءَ لیویز ءَ کاظم ہزارہ ءِ جون دست کپتگ –

لیویز ءِ رِد ءَ کاظم ہزارہ گوستگیں روچ ءَ بیگواہ بوتگ –

لیویز ءَ جون ھرنائی ڈسٹرکٹ ہیڈکوارٹر نادراھجاہ ءَ سرکتگ –

لیویز ءِ رِد ءَ وئیل ءِ درگت ءَ تنی وھدی ھچ سرپدی نہ رس اتگ-

زانگ بہ بیت بلوچستان ءَ یکشل ءَ جون دز کپگ ءَ اَنت ءُ چریشی ءَ چہ سیاسی پھناتاں ھمے گوشگ بیگ ءَ اِنت جونانی دور دیگ ءَ سرکاری چیریں ادارہ ھوار اَنت-

ھمے وڑ گوستگیں روچ ءَ بلوچستان ءِ بنجاھی شھر شال ءَ گوستگیں روچ ءَ وائس فار بلوچ مسنگ پرسنز ءُ کھولانی زھرشانی سی ٹی ڈی ءِ دست ءَ دروگیں دیم پہ دیمی جنگ ءُ کوشانی ھلاپ ءَ بیتگ ات-

زھرشانی کنوکاں گوشتگ ات کہ سی ٹی ڈی ءَ یک پرکاریں کاریں ترند کرتگ کہ اود ءَ بندیگیں مردماں جنگ ءُ چگل دیگ اِنت ءُ پد ءَ آیاں دیم پہ دیمی جنگ ءِ نام ءَ دیگ اِنت –

زانگ بہ بیت گوست ءَ دو ماھانی کچ ءَ شال ءَ گورنرھاؤس ءِ دیم ءَ بیگواھیں مردمانی کھولاں نندانک ءُ زھرشانی کتگ ات ءُ پد ءَ پاکستانی وزیر رانا سنا اللہ ءِ سدکی ءَ پد آیاں وتی زھرشانی ھلاس کتگ ات –

سدکی ءَ رانا سنا اللہ ءَ سی ٹی ڈی ءِ کرتگیں دروگیں جنگانی دارگ ءِ ھواری ءَ بیگواھیں مردمانی یل کنگ ءِ گپ ھوار ات اَنت –