میان اُستمان ءَ یوکرینی دمگانی سر ءَ گیر کانونی ءَ ھوار گیجگ ایر جتگ

میان اُستمان ءِ پتر ءَ ترندیں رنگے ءَ روس ءِ نیمگ ءَ یوکرین ءِ بازیں جاھاں زورانسری زورگری ایر جتگ-

فرانسیسی ھبر رساں ادارہ اے ایف پی ءِ رد ءَ جنرل اسمبلی ءَ چار شمبے ءِ روچ ءَ روس ءِ نیمگ ءَ یوکرین ءِ لھتے بھراں زورانسری زورگری ایر جتگ ءَ منگ نامہ ءِ سر ءَ لیکھانی منانکی ءَ یک سد ءُ چل ءُ سَے مردماں ووٹ داتگ-

بلے روس ءِ ھلاپ ءَ امریکہ ءِ سپارتی جد ءُ جھداں ابید سی ءُ پنچ ڈیھاں بھر نہ زرتگ کہ اشانی توک ءَ پاکستان، انڈیا ءُ چین ھوار اَنت-

منگ نامہ ءَ میان اُستمان ءُ میان اُستمانی ادارھاں لوٹ کرتگ کہ روس ءِ نیمگ ءَ سیمسرانی پروشگ منگ نہ بیت اِنت ءَ ماسکو ءَ تچک ءَ وتی ردیں سُھل ءُ گپ واتر زورگی اَنت-

امریکہ وزیر ھارجہ انٹومی بلنکن ءَ وتی لیکھانی درشانی ءَ گشتگ کہ ووٹاں روس ءِ ھلاپ ءَ میان اُستمانی ھمسنتانی ھمسنتی پدر کرتگ –

آئی ءَ گوشتگ کہ یک رندے پدر کرتگ کہ وشنگٹن ھچبر دروگیں ریفرینڈم ءَ نہ من ایت-

امریکی وزیر ھارجہ ءَ یک درشانے ءَ گشتگ کہ اے ووٹ گیشتریں ڈیھاں یوکرین ءِ پلامرزی ءُ یوکرین ءُ آئی ءِ مھلوک ءِ ھلاپ ءَ روس ءِ برجاھیں جنگ ترندی ءَ ایرجنگ اِنت ءُ یک مھکمیں سدکی یے داتگ-

میان اُستمان ءَ امریکی سفیر لنڈا تھامس ءَ دراھیں ڈیھاں کلوہ داتگ کہ آ زورانسری ھمساھگیں ڈیھانی زمیناں زورگری ءَ اوپار کرتگ نہ کنت-

زانگ بہ بیت روس ءِ نیمگ ءَ گوستگیں روچاں یوکرین ءِ بازیں ریفرینڈم بندات بیتگ اَنت ءُ دومی نیمگ ءَ روس ءَ یک رندے پد ءَ ھم یوکرین ءِ بازیں جاھاں وتی ارش ترند کرتگ اَنت-

گوستگیں ھپتگ ءَ روس ءِ نیمگ ءَ یوکرین ءِ بنجاھی شھر کیئف ءَ ھوار دگہ جاھاں بازیں کچے ءَ میزائل آس داتگ ات ءُ چریشی ءَ بازیں کچے ءَ گاڑی ءُ دگہ ماڑیاں تاوانباری بیتگ ات-