کیچ: حق دو تحریک ءِ رھشونانی بگیری ءَ ارزی نبشتہ کنگ بیتگ

بلوچستان ءِ دمگ کیچ ءِ بنجاھی شھر تربت ءَ حق دو تحریک ءِ بگیری ءَ لیویز کارگس ءَ ارزی نبشتہ کنگ بیتگ-

ارزی رسالدار ایس ایچ او لیویز تھانہ اللہ بخش مراد ءِ سروکی ءَ نبشتہ کنگ بیتگ، ارزی ءَ 12 جتا جتائیں تکاں بندوکانی سر ءَ نبشتہ کنگ بیتگ-

ارزی حق دو تحریک ءِ پرکاری رھشون غلام اعظم دشتی ءُ یعقوب جوسکی ءِ ھلاپ ءَ کنگ بیتگ-

ارزی نامہ ءَ حق دو تحریک ءِ رھشون وسیم سفر ءُ ملا نصیر بلیدی ھم نامزد کنگ بیتگ اَنت-

زانگ بہ بیت حق دو تحریک کیچ ءِ نیمگ ءَ ڈپٹی کمشنر کیچ ءِ کارگس ءِ دیم ءَ گوستگیں سَے روچاں نندانک برجاہ اِنت کہ چریشی ءَ بیگواھیں مردمانی کھول ھم ھوار اَنت-