شال ءَ بمب تراک، یک مردمے بیران، نُھ مردم زدگ

بلوچستان ءِ بنجاھی شھر شال ءَ آدینگ ءِ بیگاہ ءَ بیتگیں بمب تراکے ءَ کم چہ کم یک مردمے بیران ءُ نُھ زدگ بیتگ اَنت-

گیشتریں ھالانی رد ءَ شال ءِ دمگ پود گلی چوک ءَ رکشہ ءِ نزیک ءَ ترندیں تراکے بیتگ – تراک ءِ زد ءَ اتکگیں رکشہ سرجم ءَ پرشتگ ءُ بازیں گاڑی ءُ نزیکیں ماڑیاں تاواب رس اتگ-

ھسپتال ءِ انتزامیہ ءِ رد ءَ تراک ءَ نُھ زدگ بیتگیں مردم سول ھسپتال ءَ آرگ بیتگ اَنت-

تراک ءَ پد پولیس ءُ پوج بازیں کچے ءَ دمگ ءَ سر بیتگ، تراک ءِ بارو ءَ پٹ ءُ پول اش بندات کتگ –

داں انگت ءَ اے سرپدی نہ بیتگ کہ تراک ءِ نشانگ کے بیتگ ءُ نانکہ کسے ءَ زمہ واری زرتگ –