بلوچستان لبریشن فرنٹ ءَ کیچ ءِ ھند بالگتر ءَ کُشندہ ٹولی ءِ (ڈیتھ اسکواڈ) ءِ گوم ءَ میڑے ءَ آئی ءِ سئے کارِندھانی ٹپّی کنگ ءِ زِمہ واری ءَ منّیت – میجرگوھرام بلوچ
بلوچستان لبریشن فرنٹ ءِ جارکشّ میجر گْوھرام بلوچ ءَ وتی شِنگ کُرتگیں درشانی ءَ گْوشتگ کہ ھپت تُومشان (7 ستمبر) چارشمبے ءِ روچ ءَ کیچ ءِ ھند بالگتر ءَ مئے سرمچار وتی مُدامی ئیں تر ءُ گرد (گشت) ءَ بوتگ اَنت کہ بیرونٹ ءِ ھند ءَ آیاں گوں پاکستانی لشکر ءِ جوڑ کُرتگیں کُشندہ ٹولی (ڈیتھ اسکواڈ) ءَ ڈیک ڈاتگ، مئے سرمچاراں ھما ساھت ءَ سنگر گِپتگ ءُ کُشندہ ٹولی (ڈیٹھ اسکواڈ) ءِ کارِندھانی سر ءَ اُرش کُرتگ۔ چہ دو نیمگی میڑ ءَ کُشندہ ٹولی (ڈیتھ اسکواڈ) ءِ سئے کارِندہ ٹپّی ءُ آیاناں مالی تاوان بوتگ اَنت۔
اُرش ءَ پد کُشندہ ٹولی (ڈیتھ اسکواڈ) ءِ کُمکّ ءَ پاکستانی لشکر ءِ ٹولی یے ھما ھند ءُ جاہ ءَ اتکگ ءُ سر بوتگ۔
جارکشّ میجر گْوھرام بلوچ ءَ وتی درشان ءِ دیمتِر ءَ گْوشتگ کہ کُشندہ ٹولی (ڈیتھ اسکواڈ) ءِ کارِندھانی گوں مئے سرمچارانی دیم پہ دیمی میڑ ءَ پدکِنِزگ ءَ پد، آیاں شُتگ لسّ مھلوک زُورانسری ءِ نِشانگ کُرتگ ءُ گِس ءُ مِلکت تاوان داتگ اَنت۔
میجر گْوھرام بلوچ ءَ دیمتِر ءَ گْوشتگ کہ وتی زاتی نپّ ءُ سیتانی ھاتِر ءَ بلوچ راجی جُھد ء آجوئی ءِ دیم ءَ اڑاند بیوکاناں ما پیسر ءَ ھم کڈّن کُتگ ءُ دوبر ھم گْوش ایں کہ کسے راجی آجوئی ءِ جُنز ءِ دیم ءَ اڑاند بُوَگ ءِ جُھد ءَ کنت، آ راجی میاربارے ءُ آئی ءِ بگیر ءَ گوں تْرندی ءَ کاروائی کنگ بیت اِنت۔
بلوچستان لبریشن فرنٹ ءِ جارکشّ میجر گْوھرام بلوچ ءَ وتی درشان ءِ گُڈّسر ءَ گْوشتگ کہ مئے اے تْرندناکیں اُرش داں بلوچستان ءِ آجوئی ءَ زُورگِریں پاکستانی لشکر، چیریں ادراہ ءُ آئی کُمکّارانی بگیر ءَ یکشل ءَ برجاہ بَہ اَنت۔