زرغون گیس فیلڈ ءَ پاکستانی پوج ءِ سر ءَ بوتگیں اُرش ءِ زمّہ واری بی ایل اے ءَ منّ اِتگ

بلوچ سلاہ بندیں گل بلوچ لبریشن آرمی ءِ جارکش جئیند بلوچ ءَ رسانکدراں وتی شنگ کرتگیں درشان ءِ تہ ءَ زرغون ءَ برجاھیں پاکستانی پوج ءِ پانگسانی سر ءَ بوتگیں اُرشانی زمّہ واری منّ اِتگ –

جارکش جئیند بلوچ ءَ وتی درشان ءِ تہ ءَ گوشتگ کہ مئے سرمچاراں شال ءِ دمگ زرغون کرکینڑ ءَ گیس فیلڈ سر ءَ برجاھیں زورگیریں پوج ءِ پانگسانی سر ءَ راکٹ ءُ دگہ مزنیں سلاھانی گوں اُرش کُتگ ءُ دژمن جانی ءُ مالی تاوان داتگ –

جارکش ءَ گوشتگ کہ اے اُرش ءِ زمّہ واری مئے گل بی ایل اے منّ ایت ءُ کول کنت کہ بلوچ ءِ مال ءُ مڈیانی لٹ پُل ءِ پروجیکٹ ءُ زورگیریں پوج ءِ سر ءَ وتی اُرشاں ترندی ءَ گوں برجاہ داریت –