بلوچستان: اگست ءِ ماہ ءَ 55 مردم بیگواہ، 5 مردم کشگ بیتگ اَنت – پانک ماھی گزارش

الم بوانیت

بلوچستان ءَ مردمی اگبالانی جاور ءِ نیمگ ءَ دلگوش کنوکیں مردمی اگبالانی پانک جنیں ادارہ (پانک) ءَ بلوچستان ءَ مردمی اگبالانی سر ءَ اگست ءِ گزارش شنگ کرتگ۔

گوں بلوچ نیشنل موومنٹ ءِ مردمی اگبالانی تک ءَ ھمگرنچیں ادارہ ( پانک) ءِ رد ءَ گْوستگیں اگست ءَ پاکستانی لشکر ءِ دست ءَ 22 نودربرانی پجیگ ءَ 55 کس زور بیگواہ کنگ ءُ 5 کس کشگ بیتگ اَنت۔

گزارش ءِ رد ءَ اگست ءَ 4 کس زور بیگواھی ءَ پد پولیس ءِ دست ءَ دیگ بیتگ ءُ آیانی سر ءَ دروگیں کیس جنگ بیتگ وھدے کہ چہ آزار جاھاں 37 زور بیگواھیں مردم در کنگ بیتگ اَنت۔ آزار دیگ ءِ کارپداں 4 کس سکا ٹپی ھم بیتگ اَنت۔

گزارش ءِ رد ءَ چہ جولائی ءَ بنا بیتگیں شال ءِ گورنرگس ءِ دیم ءَ برجاھیں زھرشانی نندانک ءَ 47 روچ ءَ گیش اِنت بلے آیانی لوٹانی پیلو کنگ دیریں گپے آیانی گپ ھم گوں سنگینی ءَ گوش دارگ نہ بیگ ءَ اَنت۔ ھمے میان ءَ بلوچستان ءَ زورگریں لشکر ءُ آئی ءِ چیریں واکانی دست ءَ زور بیگواھی ءُ آمیدگس ءِ پرمان ءَ ڈن کشگ ءُ چگل دیگ ءِ کارانی تہ ءَ گیشی اتکگ۔

نوکتریں