بلوچستان ءِ دمگ ھُزدار ءَ شپ وھد ءَ پوج ءَ بیڑبرتگ ءُ یک ورنایے زورانسری آوار جتگ ءُ ناشناسیں جاھے ءَ برتگ-
گیشیں ھالانی رِد ءَ سی یک اگست ءِ شپ ءَ پاکستانی پوج ءَ شپ ءَ دوازدہ ءِ نزیک ءَ گدان ھوٹل ھُزدار ءِ سر ءَ بیڑبرتگ ءُ یک مردمے آوار جنگ ءَ پد بیگواہ کتگ کہ آئی ءِ پجّار شپیک ء ھیات نام ءَ چہ بوتگ-
اے ورناہ ءِ بُنکی سیادی ھُزدار ءِ دمگ زھری مشک ءَ اِنت ءُ آ گدان ھوٹل ءَ کار ءَ بوتگ وھدے کہ اشی ءَ ساری ھم آ بیگواہ کنگ ءُ پد ءَ یل کنگ بیتگ-
زانگ بہ بیت بلوچستان ءَ زورانسری آوار جنی ءِ وئیل ھمکروچ رپورٹ بوگ ءَ اَنت، دومی نیمگ ءَ بیگواھیں مردمانی کھولاں ھم گوستگیں 44 روچاں چہ گورنر کارگس ءِ دیم ءَ زھرشانی نندانک ءَ نشتگ اَنت ءُ مروچی زورانسری آوار جنگ بوتگیں مردمانی کھول زھرشانی کنگ ءَ اَنت ءُ دگ اِش بند کتگ اَنت-