پاکستانی پوج ءِ سروک جنرل قمر جاوید باجوہ ءَ گوشتگ بلوچستان ءُ خیبر پختوانخواہ ءَ ناشرکاری ءِ ھلاس کنگ سرجمی ءَ لشکر کشی ءِ چن ءُ لانچ کنگ بہ بیت، آرمی فامینشنز توپان آماچیں دمگاں کمکی کاراں گیشی بیار ایت گورتگیں ھوراں زوال بیتگیں جان ءُ چیزانی تاوانی سر ءَ پدری یے اِنت، توپان ءَ اسرمند بیتگیناں ھر وڑ ءَ کمک کنگ بہ بیت-
پاکستانی پوج ءِ جارکش ءِ رد ءَ آرمی چیف جنرل قمر جاوید باجوہ ءِ سروک ءَ کورکمانڈرز کانفرنس بیتگ ءُ ڈیھ ءِ تھی ءُ ڈنی پھزداری ءِ درگت ءَ چار ءُ ٹپاس بیتگ-
آئی ایس پی آر ءِ رد ءَ آرمی فارمیشنز ءَ توپان آماچیں دمگاں کمکی کارانی چار ءُ ٹپاس، توپان، ھوراں زوال بیتگیں گران بھائیں ساہ ءُ لوگانی تاوانی پدری اِنت-
آئی ایس پی آر ءِ رد ءَ فارمیشنز ءَ گوشتگ کہ توپان آماچیں مردمانی کمک ءَ ھچ رنگیں راہ چارگ نہ بیت ھمے وھد ءَ آرمی چیف جنرل قمر جاوید باجوہ ءَ گوشتگ کہ آرمی فارمیشنز توپان آماچیں مردماں کمک ءَ ھر وڑ ءَ سدکی کنت ھمک آسرمندیں مردم ءَ سر بیگی اِنت ءُ آرمی چیف ءِ گوشگ ءَ خیبرپختوانخواہ ءُ بلوچستان ءَ ناشرکاری ءِ ھلاس کنگ ءَ سرجمی ءَ چن ءُ لانچ کنگ بہ بیت –