تحریک طالبان پاکستان ءَ گُشتگ کہ پاکستان پوج فائر بندی ھلاپ ورزی کنگ ءَ اِنت۔ مئے نرمیں رویش مئے نزوری لیکگ بئیگ ءَ اِنت۔
ٹی ٹی پی ءِ جارکش محمد خراسانی ءَ وتی درشان ءِ تہءَ گُشتگ کہ 19 اگست آینگ ءِ روچ ءَ شمالی وزیرستان ءِ ھند سپین وام ءَ ناپاکیں پوج ءَ جنزوکیں گپ ءُ رَپی گامگیجانی آسرءَ من اِتگیں تیر بندی ءِ ھلاپ ورزی کُتگ ءُ مئے ھمراھانی سرءَ بیڑ بُرتگ ءُ مئے دو ھمراہ خبیب پنام بلال ءُ خیرخواہ نمیران کُتگ اَنت، ءُ زوراکی ءَ پد زوراکی کنان ءَ آھانی جون ھم کھول ءِ دست ءَ نہ داتگ اَنت اِش۔
آئی ءَ گُشتگ کہ باز برءَ اے گپ گیشینتگ کہ ما جنگ بندی ءِ سرءَ اھترام کُتگ تھنا وتی رکینگ ءِ ھدءَ داں گامگیج زُرتگ ءُ پولیس یکشل ءَ ھلاپ ورزی کنان ءَ پیداک اِنت۔
جارکش ءَ گُشتگ کہ لس مھلوک ءِ ھاترءَ مئے نرمیں رویش ءَ مئے نزوری لیکگ مہ بیت اگں دیمترءَ چُشیں کجام ھم گامگیج زیرگ بہ بیت گُڑءَ آئی آسریانی زمہ واری پوجے سرءَ بیت۔