اوگانستان ءِ پرگینگ لوگر ءَ ترندیں ھوراں پد ھارءِ سوب ءَ شدید 20 مردم بیران ءُ 30 ٹپی بیتگ اَنت۔
اوگان رسانکدر ءِ ردءَ لوگر ءَ بشامی ھوراں پد ودی بیتگیں ھارانی سوبءَ مردم بیران ءُ 30 ٹپی بیتگ اَنت۔ بیران بیتگینانی تہءَ 9 زھگ، 9 جنین ءُ 2 مردین ھوار اَنت وھدیکہ ھاری آپ ءَ بُڈ اِتگ ءُ چار مردم بیگواہ بیتگ اَنت۔
ھار ءِ سوب ءَ 3 ہزار ءَ گیش لوگ تاوانبار بیتگ اَنت ءُ ہزارانی کچ ءَ مردم پچیں آزمان ءِ چیرءَ نشتگ ءُ شپ گوازینگ ءَ لاچار اَنت۔اوگان واکدارانی ردءَ بازیں پرگینگ ھم ھارءِ جاورھالانی دیمپانی اِنت ءُ ھورانی یکشلی برجاہ اِنت۔