بلوچستان لبریشن فرنٹ ءَ میرانی ڈیم ءَ پاکستانی پوج ءِ پانگِس ءِ سر ءَ اُرش ءِ زِمہ واری منّ اِتگ۔
بلوچستان لبریشن فرنٹ ءِ جارکشّ میجر گْوھرام بلوچ ءَ ماں رسانکدر ءَ وتی شِنگ بوتگیں درشان ءِ تہ ءَ گْوشتگ کہ مئے سرمچاراں 12 ساچان (اگست)سُھب ءِ ادار دہ ءَ کیچ ءَ میرانی ڈیم ءَ برجاھیں پاکستانی پوج ءِ پانگِس ءِ سر ءَ گوں نوکیں سِلاھاں اُرش کُرتگ، چرے اُرش ءَ پاکستانی لشکر ءِ یک کارمندے ٹپّی بوتگ۔
بلوچستان لبریشن فرنٹ ءِ جارکشّ میجر گْوھرام بلوچ ءَ گُڈّسر ءَ گْوشتگ کہ زُورگِریں پوج ءِ سر ءَ مئے اے وڑیں اُرش دانکہ زُورگِپتیں بلوچستان ءِ آجوئی ءَ برجاہ بَہ اَنت۔