امریکہ ءَ آیت شیطانی کتاب ءِ نبشتہ کار ءِ سر ءَ اُرش

سربوتگیں ھالانی رِد ءَ روکپتی نیویارک شیتوقوا انسٹیٹیوٹ ءَ مراگش ءِ میان ءَ آیت شیطانی کتاب ءِ نبشتہ کار سلمان رشدی ءِ سر ءَ اُرش کنگ بوتگ ءُ آ زدگ کنگ بوتگ –

اُرشکار ءَ سلمان رشدی گردن ءَ کارچے جنگ ءُ زدگ کنگ بیتگ کہ ھما دمان ءَ آ بالگرد ءِ سر ءَ نزیکیں نادراھجاہ ءَ برگ بوتگ –

تنی وھدی ھچ زانگ نبیت کہ آئی ءِ جاورھال چون انت ءُ ناکہ اے درگت ءَ گپ جنگ بوگ انت – وھدیکہ نیویارک پولیس اُرشکار ءِ دزگیر کنگ ءِ ھبر راست کُتگ –

زانگ بہ بیت سِی سال ساری آیت اللہ روح اللہ خمینی ءَ شیطانی آیت کتاب نبشتہ کنگ ءِ سر ءَ نبشتہ کار ءِ کوش ءِ فتوی داتگ – سلمان رشدی ءَ “مڈ نائٹ چلڈرن ” کتاب نبشتہ کنگ ءَ نامدار بوتگ – کہ آ کتاب ءِ دہ لک ءَ گیش تاک تھنا برتانیہ ءَ بھا بوتگ انت –

بلے آئی ءِ چارمی کتاب satanic verses ءَ آ یک اھوالکار ءِ جوڑ کتگ – اے کتاب ءِ شنگ ءُ تالان بوھگے سالے ءَ پد اسلامی جمھوریہ ایران ءِ ھمے وھد ءِ سروک آئی ءِ کوش ءِ فتوی شنگ کتگ ءُ آ لاچار بوتگ ءُ آئی نھ سالاں تہ ھچ نگوشتگ –