بلوچستان ءِ دمگ ڈیرہ بگٹی ءَ پاکستانی پوج ءِ دست ءَ چار مردم آوار جنگ ءَ پد بیگواہ کنگ بوتگ اَنت-
بلوچ ریپبلکن پارٹی ءَ چاگردی رسانکدر ٹوئیٹر ءَ شنگ کتگیں یک درشانے ءِ تہ ءَ گْوشتگ کہ بلوچستان ءِ دمگ ڈیرہ بگٹی ءِ ھند زین کوہ پدرو ءِ جاہ ءَ پاکستانی پوج ءَ چار بلوچ شپانک آوار جتگ ءُ ناشناسیں جاھے ءَ برتگ اَنت-
آوار جنگ بوتگیں مردمانی پجّار علی داد ء واسو بگٹی، علی جان ء واسو بگٹی، غوثو ء لیلا بگٹی ءُ بجلی ء شاھنواز بگٹی نام ءَ چہ بوتگ اَنت-
زانگ بہ بیت بلوچستان ءِ بُنجاھی شھر شال ءَ بیگواھیں مردمانی کھول ءَ بیست دو روچ بیت کہ گورنر ءُ سروزیر کارگِس ءِ دیمءَ زھرشانی نندانک ءَ نشتگ اَنت ءُ دومی نیمگ ءَ ھمکروچ زورانسری آوار جنی ءِ دْرچ یکشلہ برجاہ ءَ اِنت-