گوستگیں روچ ءَ بلوچستان ءِ دمگ مستونگ ءَ تیرگواری ءَ ٹپی بیتگیں یک مردمے بیران بیتگ۔
بیران بیتگیں مردمے پجار ولسن مسیح ءِ نام ءَ بیتگ کہ آ پیسرگیں ایم پی اے شاہد ہینڈری مسیح ءِ مستریں برات اِنت۔
مستونگ ءِ ھند کرسچن کالونی ءَ گوستگیں شپ ءَ ناشناسیں مردماں میتگ ءَ نشتگیں مردمانی سرءَ کورکائی تیر گواری کُتگ ءُ تتکگ اَنت۔
وئیل ءَ پد پولیس ءَ واکدار وئیل جاہ ءَ سر بیتگ اَنت ءُ اُرشکارانی پَٹ ءُ پول بندات کُتگ۔
ٹپی بیتگیں مردم پیسرءَ شہید نواب غوث بخش میموریل ہسپتال مستونگ ءَ برگ بیتگ اَنت ءُ پدءَ شال ءَ دیم دیگ بیتگ اَنت۔
وئیل ءِ پشدر ءِ سوب داں انگت زانگ نہ بیتگ اَنت۔