مستونگ ءَ سلاہ بندیں مردمانی تیرگواری ءَ مسیحی برادری ءِ چار زھگ ٹپی بوتگ اَنت-
سربوتگیں ھالانی رِد ءَ بلوچستان ءِ دمگ مستونگ ءِ ھند کرسچن کالونی ءَ ناشناسیں سلاہ بنداں میتگ ءَ ساڑی ئیں مردمانی سرءَ سر ءُ دیمتیرگواری کتگ ءُ تتکگ اَنت-
وئیل ءَ پد پولیس ءُ انتزامیہ ءَ ھما دمان ءَ سر بوتگ ءُ اُرشکارانی پٹ ءُ پول برجاہ کتگ-
اِھوالکارانی رِدءَ ٹپی ئیں زھگ زوت شھید نواب غوث بخش میموریل ھسپتال مستونگ برگ ءَ پد شال ءَ برگ بیتگ اَنت-
دمگی واکدارنی رِد ءَ وئیل ءِ سوب ءَ پولیس پٹ پول کنگ ءَ اِنت بلے اے وئیلے درگت ءَ گیشیں ھال انگت دیمءَ نیتکگ-