بلوچستان لبریشن فرنٹ ءَ پنجگور ءِ گریڈ اسٹیشن ءَ بستگیں فرنٹیئر کور (ایف سی) ءِ بنجل سرءَ اُرش ءِ زمہ واری من اِتگ۔
بلوچستان لبریشن فرنٹ ءِ جارکش میجر گہرام بلوچ ءَ شنگ کُتگیں درشانے تہءَ گُشتگ کہ گوستگیں شپ ءَ مئے سرمچاراں پنجگور ءِ ھند سندِ سر گریڈ اسٹیشن ءَ بستگیں فرنٹیئر کور (ایف سی) ءِ بُنجل سرءَ دو اے ون گولا آس داتگ اَنت۔ دوھیں گولا بُنجل ءِ تہءَ وتی گچینی نشانگ سرءَ شُتگ کپتگ اَنت چریشی ءَ ایف سی ءِ کارندہ ٹپی بیتگ اَنت ءُ مالی تاوانانی ھم دیمپانی کنگ کپتگ۔
آئی ءَ گُشتگ تُرس آماچ ءُ پروش وارتگیں لشکریاں کورکائی تیرگواری بندات کُتگ م۔ مئے سرمچار جوانیں اربن گوریلہ جنگی گامگیجاں گوں قوضہ گیریں لشکریانی سرءَ اُرش کنگ ءُ پہ سلامتی درکپگ ءَ سوبین بیتگ اَنت۔
آئی ءَ گُڈسرءَ گُشتگ کہ قوضہ گیریں لشکریانی سرءَ اُرش داں چیردستیں بلوچستان ءِ آجوئی ءَ داں برجاہ مان اَنت۔