شے کھن کرکٹ ٹورنمنٹ: رند تگران ءَ سیمی فائنل گوازی کٹ اِتگ ءُ وت ءَ فائنل ءَ سرکتگ

شھید دودا جان کرکٹ ٹیم ءِ چیردستی ءَ برجاھیں مرحوم مراد مراد جان ناک آؤٹ کرکٹ ٹورنمنٹ ءِ سیمی فائنل گوازی گوستگیں بیگاہ ءَ رند تگران ءُ گلزمین گودی ءِ میان ءَ کنگ بوتگ کہ رند تگران ءَ سَے وکٹانی تاوان ءَ گوازی کٹ اِتگ –

گوستگیں بیگاہ ءَ بوتگیں سیمی فائنل گوازی ءَ رند تگران ءِ لیبیاں جوانیں گوازی پیش داشتگ چاردہ اوورانی تہ ءَ سَے وکٹانی تاوان ءَ یک سد ءُ نود ءُ سَے ٹارگٹ ایرکُتگ کہ گلزمین گودی ءِ لیبیاں ٹارگٹ پروشت نہ کُتگ ءُ رند تگران ءَ شست رناں گوازی کٹ اِتگ ءُ وت ءَ فائنل ءَ سرکُتگ –

سیمی فائنل گوازی ءَ رند تگران ءَ ٹاس کٹ اِتگ ءُ اولسر ءَ گوازی کُتگ – رند تگران ءِ نیمگ ءَ درساں گیش نزر جان ءَ شست ءُ یک ءُ مزار ءَ چِل ءُ شش رن جوڈ کرتگ انت وھدیکہ زبیر ءَ دو وکٹ گپتگ انت –

گلزمین گودی ءِ نیمگ ءَ چاردہ اوورانی تہ ءَ شش وکٹانی تاوان ءَ یکسد ءُ سِی ءُ سَے رن جوڈ کنگ بوتگ – گلزمین گودی ءِ نیمگ ءَ درساں گیش دلجان ءَ شست ءُ مھیم ءَ بیست رن جوڈ کرتگ ءُ وھدیکہ اُمر ءَ سَے ءُ نوراللہ ءَ دو وکٹ گپتگ انت –

گوستگیں بیگاہ ءَ بوتگیں گوازی ءِ شرتریں لیبی نزر جان بوتگ – نزر جان ءُ کٹوکیں ٹیم ءِ کپٹن مزار گچکی ءَ چہ گچینی مھماناں داد گپتگ –

بنام ءِ مرحوم مراد جان ناک آؤٹ کرکٹ ٹورنمنٹ ءِ فائنل گوازی مروچگیں بیگاہ ءَ شھید دودا جان کرکٹ پٹ ءَ رند تگران ءُ شھید دودا جان میان ءَ کنگ بیت اِنت –