سربوتگیں ھالانی رِد ءَ گوستگیں بیست ءُ چار ادارانی میان ءَ بلوچستان ءِ تہ ءَ جھانی وبا کرونا ویروس ءِ نادراھی ءَ آماچ بوتگیں نُھ نوکیں کیس دیم ءَ اتکگ اَنت ءُ اے وھد ءَ کرونا ویروس ءِ آماچ بوتگیں درسیں مردمانی کچ سی ءُ پنچ ھزار ءُ ھشت سد ءُ سَے ءَ سر بوتگ اَنت-
بلوچستان ءِ جانسلامتی ءِ نیمگ ءَ چہ شنگ بوتگیں رپورٹ ءِ رِد ءَ گوستگیں بیست ءُ چار ادارانی میان ءَ بلوچستان ءِ پنچ دمگاں سَے سد ءُ ھشتاد ءُ چار مردماں کرونا ویروس ءِ ٹیسٹ کنگ بوتگ اَنت کہ آھانی تہ ءَ نُھ مردماں کرونا ویروس پدر بوتگ ءُ وھدیکہ سِی ءُ نُھ مردمانی رپورٹ دنیگت ءَ نہ اتکگ انت – چریشی ءَ پد تنی وھدی بلوچستان ءِ تہ ءَ کرونا نادراھی ءَ آماچ بوتگیں مردمانی کچ نوکیں کیساساں ھوار سرجمی ءَ سی ءُ پنچ ھزار ءُ ھشت سد ءُ سَے ءَ سر بوتگ اَنت –
رپورٹ ءِ رِد ءَ بلوچستان ءِ تہ ءَ یانزدہ مردم وش بوتگ انت، وش بوتگیں مردمانی کچ نوکیں کیساساں ھوار سرجمی ءَ سِی ءُ پنچ ھزار ءُ سے سد ءُ شست ءُ سَے انت –
رپورٹ ءِ رِد ءَ بلوچستان ءِ تہ ءَ اے وھدی کرونا ویروس ءِ شست ءُ دو نادراہ ھست انت –
رپورٹ ءِ رِد ءَ گوستگیں بیست ءُ چار ادارانی میان ءَ بلوچستان ءَ کرونا ویروس ءِ گیش تالان بوگ ءِ دو ٹک سِی ءُ چار درسد نبشتہ کنگ بوتگ – تنی وھدی بلوچستان ءِ تہ ءَ کرونا ویروس ءَ سرجمی ءَ سَے سد ءُ ھپتاد ءُ ھچت مردم بیران بوتگ انت –