ھوشاپ ءَ پاکستانی لشکر ءِ سر ءَ بیتگیں اُرش ءِ زمہ واری بی ایل اے ءَ منّ اتگ

بلوچ لبریشن آرمی ءِ جارکش جیئند بلوچ ءَ رسانکدراں شنگ کرتگیں وتی درشان ءِ تہ ءَ ھوشاپ ءَ پاکستانی لشکر ءِ سر ءَ بیتگیں اُرش ءِ زمہ واری من اتگ-

جارکش ءَ گوشتگ ھوشاپ ءِ دمگ تل ءَ زورگریں پاکستانی پوج ءِ سر ءَ سرمچاراں گرنیڈ لانچر ءُ دگہ سلاھانی گون ءَ اُرش کتگ ءُ دشمنیں پوج ءَ را جانی ءُ مالی تاوانانی دیمپانی کنگ کپتگ-

جارکش ءَ گڈسر ءَ گوشتگ پوج ءِ سر ءَ اُرش مول ءُ مرادانی رد ءَ برجاہ بنت-