روکپتی بلوچستان: دو جنکیں زھگ آپ ءَ کپتگ ءُ بیران بیتگ اَنت

بشاگرد ءَ دو جنکیں زھگ آپ ءَ کپتگ ءُ بیران بیتگ اَنت –

سر بیتگیں ھالانی رد ءَ روکپتی بلوچستان ءِ دمگ بشاگرد ءَ دو جنکیں زھگ آپ ءَ کپتگ ءُ بیران بیتگ اَنت، بیران بیتگینانی لاش کشگ ءُ کھولانی ھوالگ ءَ کنگ بیتگ اَنت-

ھالانی تہ ءَ گوشگ بیتگ کہ ھورانی گوارگ ءَ پد بشاگرد ءِ ھند پوسمن ءَ ڈیم سریچ بیتگ ءُ چریشی ءَ جھلانکیں آپ ءَ دو جنکو کپتگ ءُ بیران بیتگ اَنت-

بیران بیتگیں زھگانی سیادی پوسمن بخش گوھران ءَ اِنت یکے ءِ اُمر ھشت سال ءُ دومی ءِ اُمر چاردہ سال گوشگ بیتگ ءُ بیران بیتگینانی نام زانگ نہ بیتگ اَنت-

ھالانی تہ ءَ گوشگ بیتگ کہ ھردوکیں زھگ آپ ءِ رند ءَ روگ ءَ بیتگ اَنت کہ اود ءَ آ شترتگ ءُ کنڈ ءَ کپتگ اَنت-

بلوچ کمپعن فعالین ءِ رد ءَ اے سال ءَ سِی ءُ ھپت مردم آپاں بڈینتگ ءُ بیران بیتگ اَنت کہ آیانی تہ ءَ بیست ءُ یک زھگ ھوار اَنت کنڈ، ھوٹگ ءُ دگہ دگہ ناگتی وئیلانی آماچ بیتگ اَنت-