بلوچستان لبریشن فرنٹ ءِ سروک ءُ آجوئی لوٹوکیں رھشون ڈاکٹر اللہ نظر بلوچ ءَ گُشتگ چین بلوچ نسل کشی ءَ سرجمی ءَ ھوار اِنت۔
اے گپ آئی ءَ چاگردی رسانکدر ءِ تندجاہ ٹوئیٹر ءِ سر ءَ وتی لُکیں درشانے ءِ تہ ءَ گُشتگ اَنت۔
ڈاکٹر اللہ نظر بلوچ ءِ رد ءَ چین پاکستان ءَ میان اُستمانی سپارتی کمک، پوجی آسراتی، جنگی رپک ءَ ھوار کمک دئیگ ءِ سوب ءَ بلوچ کشی ءَ ھوار اِنت۔
بلوچ رھشون ءِ گُشگ اَت کہ چینی کمیونسٹ پارٹی ءِ زوراور ءِ لوٹانی پد ءَ بلوچ مھلوک ءِ نسل کشی ءُ بُنکی انسانی ھکانی لگتمالیانی تہءَ سرجمی ءَ ھوار اِنت، ما چہ جھانی راجاں لوٹ کنیں کہ بلوچ یک راجے ءِ دروشم ءَ ترندیں مردمی اگبالانی آماچی ءِ نشانگ کنگ بئیگ ءَ اَنت۔
ڈاکٹر اللہ نظر ءَ گُشتگ کہ یورپی یونین ، اقوام متحدہ، امریکہ ءَ ھوار دگراں لوٹ ایت کہ بلوچ ڈیھہ ءَجنگ آماچیں دمگ بے نامین اَنت ءُ اقوام متحدہ وتی ایمنی پوج ءَ بلوچستان ءَ بیار اَنت۔
بلوچ رھشون ءَ دیمتر ءَ گُشتگ کہ آ وتی ھمسائگیں ڈیھہ اوگانستان، ایران ءُ ھندوستان ءَ گوں دزبندی کنت کہ آ بلوچ راجے راجی آجوئی ءِ ھاتر ءَ برجاھیں جھد ءَ کمک بہ کن اَنت۔
بلوچ رھشون ءَ گُشتگ کہ آزات بلوچستان دمگ ءِ ایمنی ءُ سلامتی ءِ مانزمان بیت اِنت۔