بلوچستان ءِ دمگ نوشکی ءَ مروچی سھب ءَ زمینی ءُ برزی لشکر کشی بندات کنگ بیتگ-
سر بیتگیں ھالانی رد ءَ نوشکی ءِ کوھی دمگ منجرو، مُخیلی، خوانکی، خاخوئی ءُ کش ءُ گوری دمگاں مروچی سھب ءَ گن شپ ھیلی کاپٹرانی بال یکشل ءَ برجاہ اَنت- دمگی مردمانی رد ءَ دمگ ءَ برجاھیں پوجی لشکر کشی ءَ زمینی لشکر ھم بھر زورگ ءَ اِنت-
زانگ بہ بیت گوستگیں ماہ ءَ پوجی لشکر کشی ءِ وھد ءَ پوج ءَ بی ایل اے ءَ بندوکیں دو مردمانی کُشگ ءِ ٹاہ داتگ اَت-
وئیل ءِ بارو ءَ بلوچ لبریشن آرمی ءِ جارکش جیئند بلوچ ءَ رسانکدراں وتی شنگ کرتگیں درشانی ءَ نوشکی ءَ شش جون دوھزار ءُ بیست ءُ دو ءَ دو شمبے ءِ روچ ءَ پاکستانی پوج ءَ بلوچ لبریشن آرمی ءِ یک بیس بنجلے ءِ سر ءَ بیڑ برگ ءِ جھد کتگ ھمے وھد ءَ دشمن ءِ پیشگامیانی دارگ ءِ ھاتر ءَ بی ایل اے دو سرمچار شھید بیتگ اَنت اے دراج کشیں جنگ ءَ بازیں پوجی ءِ مرتگ اَنت-
بلے مروچی بندات کنگ بیتگیں پوجی آپریشن ءِ بارو ءَ تنی وھدی واکدارانی گپ دیم ءَ نیتکگ اَنت-