کیچ: پاکستانی پوج ءِ سر ءَ اُرش،کیپٹنے زدگ، دو کارندہ بیران

بلوچستان ءِ دمگ کیچ ءَ دو جتا جتائیں اُرشاں پاکستانی پوج ءِ دو کارندہ بیران بیتگ اَنت-

دمگی مردمانی رد ءَ سَے شمبے ءِ روچ ءَ عبدوئی ءُ زامران ءِ ھنداں پاکستانی پوج ءِ سر ءَ دو جتا جتائیں اُرشاں دو کارندہ بیران ءُ یکے زدگ بیتگ-

ھالانی رد ءَ تمپ ءِ دمگ عبدوئی ءَ ناشناسیں مردمانی تیرگواری ءَ پاکستانی پوج ءِ یک سپاھی وھید ءُ تیر لگ ءِ سبب ءَ بیران بیتگ ھمے وڑ دومی وئیل زامران ءِ دمگ ءَ سیمسراں ٹٹ جنوکہں کارندھانی سر ءَ تیرگواری ھَ سپاھی مھمد عثمان ء لیاقت علی جھمنند نوشھروز فیروز سندھ بیران بیتگ ءُ کیپٹن علی زین ءَ تیر ءِ لگگ ءَ زدگ بیتگ-

دمگی مردمانی رد ءَ زدگ ءُ بیران بیتگیں مردم ھیلی کاپٹر ءِ سر ءَ تربت ءَ ایف سی ءِ ھیڈ کوارٹر ءَ سر کنگ بیتگ اَنت-

وئیل ءَ پد دمگ ءَ پوجی کارمند گیش کنگ ءُ اُرشکارانی پَٹ ءُ پول بندات کنگ بیتگ-